Samsung-ը կսկսի վերականգնված սմարթֆոններ վաճառել. Reuters

Հարավկորեական Samsung ընկերությունը կսկսի զարգացող երկրների շուկաներում վաճառել իր վերականգնված սմարթֆոնները, հայտնում է Reuters գործակալությունը՝ վկայակոչելով աղբյուրների:

Վերականգնված սարքերի համար հիմք կհանդիսանան սմարթֆոնները, որոնք անսարք վիճակում վերադարձվել են արտադրողին: Հանձնման ծրագրին, մասնավորապես, մասնակցում են ԱՄՆ-ն, Հարավային Կորեան և մի շարք այլ երկրներ:

Այդ որոշման շնորհիվ Samsung-ը կկարողանա մեծացնել իր ներկայությունը զարգացող շուկաներում, օրինակ՝ Հնդկաստանում, որտեղ իր արտադրության մոդելների գինը չափազանց բարձր է սպառողների համար:

Samsung ընկերության ներկայացուցիչները հրաժարվել են մեկնաբանել այդ տեղեկությունը: