Սլովենիայում հրաձգություն է տեղի ունեցել հիվանդանոցում. կա զոհ

21:35 • 22.08.16

Սլովենիայում տարեց տղամարդը կրակ է բացել Իզոլա քաղաքի հիվանդանոցում, գրում է РИА Новости-ն`տեղի ոստիկանությանը հղումով:

Նշվում է, որ հրաձգությունից հետո հիվանդանոցում խուճապ է սկսվել: Միջադեպի հետևանքով մահացել է մի բժիշկ և ոստիկանության մեկ աշխատակից: Անձամբ հարձակվողը սպանվել է փախուստի փորձի ժամանակ:

Հանցագործի գործողությունների դրդապատճառները հայտնի չեն: Ոստիկանությունում պարզաբանել են, որ նախկինում նա բուժվել է աչքի բաժանմունքում:

Լրատվամիջոցները հայտնում են, որ խոսքը 68-ամյա տղամարդու մասին է, ով նախկինում հայտնի է եղել ոստիկանությանը փոստային բաժանմունքի կողոպուտի պատճառով: