Հս. Կորեան ականապատում է սահմանը՝ զինվորների փախուստը կանխելու համար. լրատվամիջոցներ

08:52 • 23.08.16

Կորեայի Ժողովրդադեմոկրատական Հանրապետության զինվորականներն ականապատում են ապառազմականացված գոտին՝ Հարավային Կորեայից երկիրը բաժանող ռազմական գծին հարող տարածքները՝ երկրից զինվորների փախուստը կանխելու համար, հայտնում է «Ռենհափ» գործակալությունը՝ վկայակոչելով հարավկորեական կառավարությունում աղբյուրին:

 

Այդ տեղեկությունը դեռևս պաշտոնապես չի հաստատվել:

 

Գործակալության տվյալների համաձայն՝ եթե տեղեկությունը համապատասխանում է իրականությանը, ապա Կորեական պատերազմում հրադադարի մասին համաձայնագրի ստորագրումից հետո սահմանների ականապատումն առաջին անգամ է դիտարկվում:

 

Հարավային Կորեայում կարծում են, որ դա վկայում է ԿԺԴՀ-ի դեմ հոգեբանական պատերազմի «հաջողության» մասին, որը տարվում է ապառազմականացված գոտու երկայնքով՝ բարձրախոսների օգնությամբ: