System of a Down-ը նոր ձայնասկավառակ կթողարկի

Ամերիկյան հայտնի System of a Down (SOAD) ռոք խմբի անդամներն աշխատում են նոր ձայնասկավառակի ստեղծման վրա, հայտնում է Asbarez-ը՝ մանրամասնելով, որ տեղեկությունը հաստատել է խմբի թմբկահար Ջոն Դոլմայանը:

Բրիտանական Kerrang! ամսագրին տված հարցազրույցում Ջոն Դոլմայանն ասել է, որ խումբը նոր ձայնասկավառակի վրա է աշխատում վերջին 6 ամիսը, ինչի շնորհիվ արդեն պատրաստ է 15 երգ:

«Կարծում եմ՝ լավ ալբոմ է ստացվելու»,-ասել է Դոլմայանը՝ հավելելով, որ դեռևս չգիտի ձայնասկավառակի շնորհանդեսի ամսաթիվը:

«Մեզ վրա ահռելի ճնշում կա, քանի որ արդեն 11 տարի է՝ նոր ձայնասկավառակ չենք ներկայացրել: Սակայն մեր երաժշտական հմտությունները կատարելագործվել են, և մենք նոր բաներ ենք փորձում»,- ասել է թմբկահարը: