Իսպանացիներն ինքնուրույն կայանատեղի փնտրող մեքենա են ստեղծել (լուսանկարներ, տեսանյութ)

Իսպանական Seat ընկերությունը CARNET տեխնոլոգիական բրենդի հետ համագործակցության արդյունքում ներկայացրել է Ateca քրոսովերի կատարելագործված տարբերակը:

Ինչպես հայտնում է motor.ru-ն, խոսքն Ateca Smart City Car կոնցեպտի մասին է, որը կարողանում է  ինքնուրույն որոնել և գտնել ազատ կայանատեղիներ:

Աղբյուրը մանրամասնում է, որ շարժման մեջ գտնվող քրոսովերը մի քանի տվիչի միջոցով ավտոմատ կերպով գտնում է մոտակայքում եղած ազատ կայանատեղիները, ինչից հետո համապատասխան տեղեկությունն ուղարկվում է iCity Seat միասնական սերվերին:

Նշվում է, որ հավելվածն օգտագործող վարորդները կարող են անընդհատ արվող թարմացումների շնորհիվ արագ իմանալ, թե մոտակայքում որտեղ ազատ կայանատեղի կա և ինչ արժե այնտեղ մեքենա կայանելը: