«Ֆանտաստիկ արարածները, և որտեղ են նրանք բնակվում» ֆիլմում քաղաքական ենթատեքստ կա. Ջոան Ռոուլինգ (լուսանկարներ)

Բրիտանացի գրող Ջոան Ռոուլինգը The Times-ին հայտնել է, որ Հարի Փոթերի տիեզերքի մասին իր նոր` «Ֆանտաստիկ արարածները, և որտեղ են նրանք բնակվում» ֆիլմի սցենարում ինքը քաղաքական ենթատեքստ է ներդրել:

«Պատմությունը հորինել եմ 3,5 տարի առաջ, և այդ ընթացքում պարզորեն նկարագրել եմ այն, ինչ հայտնաբերել եմ իմ շուրջ` պոպուլիզմի աճը քաղաքականության մեջ և ստատուս-քվոն խախտելու ձգտումը: Այս թեմաներն, անկասկած, շատ արդիական են մինչ օրս», - պատմել է Ռոուլինգը:

Նշենք, որ ռեժիսոր Դևիդ Յեյթսի «Ֆանտաստիկ արարածները, և որտեղ են նրանք բնակվում» ֆիլմի լոնդոնյան պրեմիերան կայացել է նոյեմբերի 15-ին, և դիտումից հետո Ռոուլինգն ասել է, որ շատ հպարտ է ստացված ֆիլմով: