Պուտինը պետք է պատժվի. ԱՄՆ սենատոր

10:30 • 17.11.16

ԱՄՆ Հանրապետական կուսակցությունից սենատոր Լինդսի Գրեմը հայտարարել է Ռուսաստանի կողմից իրականացված կիբեռհարձակումների հետաքննության անհրաժեշտության մասին, որոնց միջոցով Կրեմլը կարողացել է ազդել ԱՄՆ-ում նախագահական ընտրությունների ընթացքի վրա, հայտնում է CNN-ը:


«Մի վայրկյան ենթադրելով, որ մենք հավատում ենք, որ ռուսական կառավարությունը կառավարել է երրորդ կազմակերպությունների, որոնք հաքերային գործունեության օգնությամբ միջամտել են մեր ընտրությունների ընթացքին, պարզ է դառնում, որ դրան պետք է պատիժ հետևի: Պուտինը պետք է պատժվի»,- ասել է Գրեմը:


Հաղորդվում է, որ այս հռետորաբանությունը հակասում է Ռուսաստանի հետ հարաբերությունները կարգավորելու ԱՄՆ նորընտիր նախագահ Դոնալդ Թրամփի մտադրություններին:


«Դոնալդի հետ մեզ մոտ ակնհայտ տարաձայնություններ կան»,- խոստովանել է սենատորը: