Երգչուհի Արիանա Գրանդեն American Music Awards-ի վարկածով «Տարվա արտիստ» է ճանաչվել (լուսանկարներ)

12:28 • 21.11.16

Լոս Անջելեսում կայացել է American Music Awards երաժշտական մրցանակաբաշխությունը, ինչի կապակցությամբ Կալիֆորնիայի ամենաարևոտ քաղաքում հավաքվել էր իսկական աստղաբույլ:

Ինչպես հայտնում է Entertainment-ը, ամերիկյան հայտնի երգչուհի Արիանա Գրանդեն ճանաչվել է «Տարվա արտիստ»: Հայտնի է, որ տվյալ անվանակարգում նրա մրցակիցներն էին Ջասթին Բիբերը, Սելենա Գոմեսը, Ռիհանան և Քերի Անդերվուդը:

Աղբյուրը մանրամասնում է, որ «Տարվա տեսահոլովակ» անվանակարգում հաղթել է Ջասթին Բիբերը՝ Sorry երգի տեսահոլովակի համար: Բացի այդ, Բիբերը հաղթել է «Լավագույն ալբոմ» (Purpose), «Լավագույն երգ» (Love Yourself) անվանակարգերում:

Մինչդեռ Դրեյքը ճանաչվել է «Տարվա լավագույն հիփ-հոփ արտիստ»: Նա հաղթող է դարձել նաև «Տարվա լավագույն հիփ-հոփ ալբոմ» (Views) և «Տարվա լավագույն հիփ-հոփ երգ» (Hotline Bling) անվանակարգերում:

Արիանա Գրանդե Սելենա Գոմես