Սիրիայի բանակը դադարեցրել է հարձակումները Դամասկոսի և Իդլիբի շրջաններում
Սիրիայի կառավարական բանակը միակողմանի կերպով դադարեցրել է ռազմական գործողությունները Դամասկոս և Իդլիբ նահանգների մի շարք շրջաններում: Այս մասին հաղորդում է РИА Новости-ն` վկայակոչելով Սիրիայի Զինուժի` հակաահաբեկչական գործողություններին քաջատեղյակ աղբյուրը:
«Այսօր ժամը18:00-ից սկսած սիրիական զորքերը ամբողջությամբ դադարեցրել են հարձակումները Դամասկոսի շրջանի Մադայա և Զաբադանի քաղաքներում, ինչպես նաև Իդլիբ նահանգի Ֆուա և Քեֆրայա քաղաներում», -ասել է գործակալության աղբյուրը:
ՄԱԿ-ի Գլխավոր ասամբլեան դեկտեմբերի 9-ի երեկոյան քվեարկությամբ Սիրիայի հարցով նոր բանաձև է ընդունել, որի համաձայն` անհապաղ պահանջվում է դադարեցնել մարտական գործողությունները Սիրիայում, ինչպես նաև Հալեպի պաշարումը:










