Lamborghini-ն պատրաստվում է ներկայացնել V12 շարժիչով համալրված նոր մոդել (տեսանյութ)

16:44 • 13.12.16

Լյուքս դասի մեքենաների արտադրությամբ զբաղվող Lamborghini ընկերությունը հրապարակել է նոր տեսանյութ, որով ակնարկել է V12 շարժիչով համալրված նոր Aventador-ի սպասվելիք պրեմիերայի մասին:

Ինչպես նշում է motor.ru-ն, տեսանյութում ներկայացվում են իտալական ավտոբրենդի մի շարք հայտնի մոդելներ, իսկ ամենավերջում սպասվելիք նորույթի ակնարկն է արվում:

Աղբյուրը մանրամասնում է, որ Aventador-ի նոր տարբերակի մասին տեղեկությունները սկսել են շրջանառվել 2016թ. կեսերից, սակայն Lamborghini-ն դեռևս որևէ մանրամասն չի ներկայացրել:

Ըստ ոչ պաշտոնական տվյալների՝ սուպերքարը համալրված կլինի ավելի հզոր 6.5 լ աշխատանքային ծավալով V12 շարժիչով:

Ենթադրվում է, որ դրա պրեմիերան կայանալու է Դետրոյթում մեկնարկելիք ավտոշոուի շրջանակում: