L’Oréal-ը մազերի որակը ստուգող «խելացի» սանր է ստեղծել (տեսանյութ)

Կոսմետիկ միջոցների և մաշկի խնամքի պարագաների արտադրությամբ զբաղվող L’Oréal ընկերությունը Kerastase և Withings բրենդների հետ համագործակցության շրջանակում «խելացի» սանր է ստեղծել:

Ինչպես նշում է luxurylaunches.com կայքը, տեխնոլոգիապես առաջադեմ սանրը ստուգում է այն օգտագործողի մազերի որակը, պարզում դրանց՝ նորմայից ավելի յուղոտ կամ չոր լինելը:

Հետաքրքրական է, որ ստացված տեղեկությունը սանրն ուղարկում է սմարթֆոնում ներբեռնված հատուկ հավելվածին:

Hair Coach անվանումը ստացած ուշագրավ նորույթը ներկայացվել է Լաս Վեգասում՝ CES տեխնոլոգիական ցուցահանդեսի շրջանակում:

Հայտնի է, որ Hair Coach-ը, որի գինը 200 դոլար է, վաճառքում կհայտնվի 2017թ. կեսերից: