Սիրիայի ընդդիմությունը հրաժարվել է ստորագրել Աստանայում հանդիպման արդյունքներով եզրափակիչ կոմյունիկեն
Աստանայում ընթացող բանակցություններում Սիրիայի ընդդիմության պատվիրակությունը չի ստորագրի զինադադարի երաշխավոր երկրների եզրափակիչ կոմյունիկեն: Այդ մասին հայտարարել է բանակցություններում ընդդիմության պատվիրակության պաշտոնական ներկայացուցիչ հանդես եկող Յախյա ալ-Արիդին, գրում է ТАСС-ը:
«Կոմյունիկեն չի ստորագրվի: Երաշխավոր երկրները՝ Ռուսաստանը, Թուրքիան և, հնարավոր է, Իրանը, պարզապես կտարածեն փաստաթուղթը»,- ասել է նա:
Սիրիական պատվիրակությունում ТАСС-ի աղբյուրի տեղեկություններով՝ Սիրիայի կառավարության ներկայացուցիչները նույնպես չեն նախատեսում ստորագրել կոմյունիկեն:
Յախյա ալ-Արիդին նաև հայտնել է լրագրողներին, որ սիրիական ընդդիմության պատվիրակությունը թերահավատություն է հայտնել Սիրիայում հրադադարի մասին բանակցությունների հաջողության առնչությամբ:
Միևնույն ժամանակ, Սիրիայի հարցով ՄԱԿ-ի գլխավոր քարտուղարի հատուկ ներկայացուցիչ Ստեֆան դե Միստուրան նշել է, որ կողմերը մոտ են Աստանայում հանդիպման եզրափակիչ փաստաթղթի համաձայնեցմանը:










