Կանադայի հարավում 200.000լ նավթ է արտահոսել

08:50 • 24.01.17

Կանադայի հարավային Սասկաթչևան շրջանով անցնող նավթատար խողովակաշարից տեղի է ունեցել 200.000 լ չվերամշակված նավթի արտահոսք, հայտնում է Globe and Mail-ը:


Կառավարության ներկայացուցիչ Քեթի Յանգը մանրամասնել է, որ արտահոսած վառելիքը չի լցվել առուներն ու գետերը: Հայտնի է, որ արտակարգ իրավիճակների ծառայությունների աշխատակիցներին հաջողվել է հավաքել արտահոսած նավթից 170.000 լ:


Անդրադառնալով արտահոսքի պատճառներին՝ Յանգն ասել է, որ այդ մասին պարզ կլինի միայն Tundra Energy Marketing ընկերությանը պատկանող խողովակաշարի վնասված հատվածը գտնելուց հետո: