ԱՄՆ-ում Թրամփին դեմ արտահայտված ուղևորուհուն դուրս են բերել ինքնաթիռից (տեսանյութ)
Ամերիկյան ավիաընկերության ուղևորուհուն հանել են չվերթից այն բանից հետո, երբ նա լեզվակռվի է բռնվել ԱՄՆ նախագահ Դոնալդ Թրամփին աջակցող իր ճամփորդակցի հետ: Այս մասին հաղորդում է Airlive պորտալը, որը հրապարակել է միջադեպի տեսագրությունը:
Կինը, որի անձը չի բացահայտվում, սկզբից բորտուղեկցորդուհուն խնդրել է իր կողքից տեղափոխել տղամարդուն, որը Թրամփի աջակիցն է:
«Դուք այդ մարդու մատը դրել եք միջուկային կոճակի վրա»,- ասել է նա իր հարևանին: Այնուհետև բորտուղեկցորդուհին կնոջը խնդրել է դուրս գալ ինքնաթիռի սրահից: Այս որոշմանն ուղևորներն աջակցել են բարձր ձայնով «ԱՄՆ» գոչելով:
BBC News-ի տվյալների համաձայն` միջադեպը տեղի է ունեցել Alaska Airlines ավիաընկերության չվերթի ժամանակ: Ավիաընկերությունը հայտնել է, որ աջակցում է իր աշխատակցուհու գործողություններին:










