Թմրամիջոցների շրջանառության համար հետախուզվող տղամարդը բերման է ենթարկվել
Ոստիկանության Էրեբունու բաժնի ծառայողների ձեռնարկած օպերատիվ-հետախուզական միջոցառումների շնորհիվ, հունվարի 30-ին, ժամը 18.00-ին, Երևանի Մանանդյան փողոցի 29 շենքից բերման է ենթարկվել 1984 թ. ծնված Կարեն Մ.-ն:
Ինչպես հայտնում են ՀՀ ոստիկանության լրատվության և հասարակայնության հետ կապերի վարչությունից, տղամարդը հունվարի 30-ից հետախուզվում էր ՀՀ քրեական օրենսգրքի 266 հոդվածի (թմրամիջոցների, հոգեմետ (հոգեներգործուն) նյութերի և դրանց պրեկուրսորների ապօրինի շրջանառությունն՝ իրացնելու կամ պատրաստելու նպատակով, կամ դրանց ապօրինի իրացնելը) 2-րդ մասի 2-րդ կետի և 4-րդ մասի մեղադրանքով:










