Շոտլանդացին սխալմամբ ներառվել է Սպիտակ տան աշխատակիցների ցուցակում
Շոտլանդացի Սթիվ Բենոնը պատահաբար հայտնվել է Սպիտակ տան աշխատակիցների ցուցակում, հաղորդում է Fox News-ը:
Աղբյուրի հաղորդմամբ` Սպիտակ տան թվիթերյան պաշտոնական հաշիվը կազմել է այն օգտատերերի առանձին ցուցակը, որոնք իր աշխատակիցներն են կամ նախագահի ընտանիքի անդամները: Հավանաբար, շոտլանդացի օգտատիրոջը շփոթել են նրա հայտնի անվանակից Սթիվ Բենոնի հետ, որն ԱՄՆ նախագահ Դոնալդ Թրամփի գլխավոր խորհրդականն է:
Անձի նկարագրությունում ասվում է, որ նա «շոտլանդացի է, որը հպարտ է բրիտանական ծագմամբ», սակայն սա չի կանգնեցրել մոդերատորներին պատահական մարդուն ընտրյալների ցուցակում ներառելուց:
Նշվում է, որ Բենոնը ստիպված է եղել ամբողջ օրը պատասխանել զայրացած ամերիկացիների հաղորդագրություններին, որոնք քննադատել են Թրամփի` քաղաքական գործչին Ազգային անվտանգության խորհրդում ներառելու որոշումը:
Շոտլանդացու խոսքով` սա այնքան է զայրացրել իրեն, որ ինքը հսկայական գրություն է տեղադրել իր էջում` կոչ անելով չշփոթել Սթիվներին:
«Ես ոչ մի ընդհանուր բան չունեմ ԱՄՆ քաղաքականության հետ և չեմ աշխատում Սպիտակ տանը», - ավելացրել է նա:
Ավելի ուշ տղամարդուն հանել են Սպիտակ տան ցուցակից:











