Apple-ի նախկին աշխատակիցը ցույց է տվել iPhone-ները վերանորոգող սարքը (լուսանկար)

Ամերիկյան Apple տեխնոլոգիական ընկերության նախկին աշխատակիցներից մեկը հրապարակել է լուսանկար, որում ներկայացված է iPhone սմարթֆոնի որոշ տեսակների տրամաչափման համար նախատեսված սարքը:

Ինչպես նշում է motherboard.vice.com կայքը, այս սարքը տեղադրված է Apple-ի ամեն մի խանութում, բայց դրա գոյության մասին գիտեն շատ քչերը:

Հայտնի է, որ սարքը տրամաչափում է սմարթֆոնի էկրանն ու տեսախցիկները, ինչպես նաև վերանորոգում է մատնահետքերի սքանավորման համար նախատեսված Touch ID հավելվածը:

Աղբյուրը նկատում է, որ այս սարքից ունի միայն Apple-ը, ինչը նշանակում է, որ ընկերությունը մենաշնորհ է ստացել iPhone-ի որոշ տեսակների վերանորոգման հարցում: