Տիեզերքում սկսել է աշխատել անձեռոցիկի տուփի մեծությամբ առաջին կոմերցիոն լաբորատորիան (տեսանյութ)

Շվեյցարա-իսրայելական SpacePharma ընկերության ստեղծած մինի լաբորատորիան, որն իրենից անձեռոցիկի տուփի մեծությամբ սարք է ներկայացնում, սկսել է աշխատանքը տիեզերքում:

Ինչպես նշում է Reuters-ը, մինի լաբորատորիան իր առաջին գիտափորձերն ու հետազոտությունները սկսել է միկրոձգողականության պայմաններում:

Ընկերության ներկայացուցիչները նշել են, որ սա առաջին կոմերցիոն արբանյակային լաբորատորիան է, որը հնարավորություն է ընձեռում Երկրում գտնվող գիտնականներին իրենց հետաքրքրող գիտափորձերն անցկացնել տիեզերքում՝ առանց տիեզերագնացների միջամտության:

Նրանց խոսքով՝ միկրոձգողականության պայմաններում անցկացված գիտափորձերը կարող են նպաստել բժշկության և գյուղատնտեսության ոլորտում նշանակալի հայտնագործությունների իրականացմանը:

SpacePharma-ն մտադիր է հաջորդ տարի արբանյակի միջոցով մոտ 160 գիտափորձ իրականացնել:

Տեսանյութը կարող եք դիտել այստեղ։