Գիտնականները հայտնել են Լուսնի վրա ստորգետնյա թունելների հայտնաբերման մասին

ԱՄՆ Տեխաս նահանգում կայացել է Lunar and Planetary Science 48-րդ գիտաժողովը, որի շրջանակում հայտարարվել է Երկրի բնական արբանյակի վրա ստորգետնյա թունելների գոյության մասին:

Ուշագրավ բացահայտումն արել են ճապոնացի գիտնականները, որոնց կարծիքով՝ թունելներն ապագայում կարող են ապաստան լինել առաջին մարդկային բնակավայրերի ու գիտակայանների հիմնման համար:

Ճապոնական Kaguya սարքի միջոցով անցկացված հետազոտության արդյունքները վկայում են, որ ստորգետնյա թունելները ձգվում են մի քանի կիլոմետր:

Աղբյուրը մանրամասնում է, որ մասնագետները նման եզրակացության են հանգել Մարիուս Հիլզ բարձրավանդակի վրա դեռևս 2009թ. հայտնաբերված խոշոր անցքի մանրակրկիտ ուսումնասիրությունից հետո: