Rolls Royce-ը ներկայացրել է ռոք երաժիշտների հետ համատեղ ստեղծված նոր մեքենաները (լուսանկարներ)

Բրիտանական հեղինակավոր Rolls Royce մեքենաշինական ընկերությունը ներկայացրել է Inspired by British Music («Ներշնչված բրիտանական երաժշտությամբ») ավտոնախագիծը, որի շրջանակում ստեղծվել է հանրահայտ Wraith մոդելի 9 նոր տարբերակ:

Ինչպես նշում է luxurylaunches.com կայքը, մեքենաների ստեղծման հարցում բրենդի հմուտ մասնագետները համագործակցել են բրիտանական ռոքի ամենաերևելի աստղերի հետ:

Ընդհանուր առմամբ, նախագծի իրականացման համար պահանջվել է 18 ամիս, որի ընթացքում ռոք աստղերը հանդիպել են Rolls Royce-ի դիզայներների հետ ու քննարկել մոդելների տեսքը:

Նշվում է, որ այս մեքենաների վաճառքից ստացված գումարն ուղղվելու է բարեգործությանը: