Ֆրանսիայի նախագահ է ընտրվել Էմանուել Մակրոնը

«Առաջ» շարժման առաջնորդ Էմանուել Մակրոնը, հաղթելով կիրակնօրյա ընտրություններում, դարձել է Ֆրանսիայի նախագահ։


Ինչպես հայտնում է երկրի ներքին գործերի նախարարությունը, Մակրոնն ստացել է ընտրողների ձայների 66,06 տոկոսը։ Մակրոնը մեծ առավելությամբ շրջանցել է «Ազգային ճակատ» կուսակցության ղեկավար Մարին Լը Պենին, ով ստացել է ձայների 33,94 տոկոսը։ 


Մակրոնին շտապել են շնորհավորել Ֆրանսիայի նախագահի պաշտոնում ընտրվելու առթիվ։ Այսպես՝ 39-ամյա նախագահը շնորհավորանքներ է ստացել Եվրոպական խորհրդի նախագահ Դոնալդ Տուսկից: Վերջինս շնորհավորական գրառում է հրապարակել Twitter-ում:

Էմանուել Մակրոնին շնորհավորել է նաև Եվրամիության դիվանագիտության ղեկավար Ֆեդերիկա Մոգերինին:

«Ֆրանսիան որոշել է ներդրումներ անել ապագայի կայացման հարցում: Ցանկանում ենք աշխատել Էմանուել Մակրոնի հետ և վերստեղծել մեր միությունը», - գրել է Մոգերինին: