Թրամփն Իսլամական Պետության մասին գաղտնի տեղեկությամբ է կիսվել Լավրովի հետ. Washington Post

05:43 • 16.05.17

ԱՄՆ նախագահ Դոնալդ Թրամփը Ռուսաստանի արտաքին գործերի նախարար Սերգեյ Լավրովի և Միացյալ նահանգներում Ռուսաստանի դեսպան Սերգեյ Կիսլյակի հետ բանակցությունների ընթացքում, որոնք տեղի են ունեցել անցյալ շաբաթ Վաշինգտոնում, ամենայն հավանականությամբ կիսվել է վերին աստիճանի գաղտնի տեղեկատվությամբ, գրում է The Washington Post-ը՝ վկայակոչելով ամերիկյան վարչակազմի որոշ ներկայացուցիչների:

Իրենց կարծիքով՝ այդ տվյալների բացահայտումն ԱՄՆ-ի նախագահի կողմից «վտանգի տակ է առել  Իսլամական պետություն ահաբեկչական կազմակերպության մասին տեղեկատվության մի չափազանց կարևոր աղբյուր»:

Պաշտոնյաները շեշտում են, որ ԱՄՆ-ի գործընկերը տրամադրած տեղեկությունը Ռուսաստանի հետ կիսելու թույլտվություն չի տվել Թրամփին: Ըստ վարչակազմի ներկայացուցիչների՝ Լավրովին նման տեղեկատվությամբ ապահովելով՝ Թրամփը վտանգում է համագործակցությունն այն գործընկերոջ հետ, որն ուղիղ մուտք ուներ Իսլամական պետության ներքին գործերին: