Քեթրին Զետա Ջոնսը «Ոսկե գլոբուս»-ի բեմ է բարձրացել 101-ամյա սկեսրայրի հետ (լուսանկարներ, տեսանյութ)

Հունվարի 7-ին Լոս Անջելեսի «Բևեռլի Հիլթոն» հյուրանոցում կայացել է կինեմատոգրաֆի և հեռուստատեսության ոլորտում ձեռքբերումների համար «Ոսկե գլոբուս-2018» կինոմրցանակաբաշխության 75-րդ արարողությունը:

Ինչպես նշում է The Daily Mail-ը, միջոցառման ժամանակ սիրված դերասանուհի Քեթրին Զետա Ջոնսը բեմ է բարձրացել 101-ամյա սկեսրայրի՝ Հոլիվուդի «վետերան» Քըրք Դուգլասի հետ:

Հատկանշական է, որ տարեց դերասանի հայտնվելուն պես դահլիճում ներկա բոլոր հյուրերը ոտքի են ելել ու բարձր ծափահարություններով դիմավորել նրան:

Քեթրին Զետա Ջոնսը հատուկ մրցանակ է շնորհել սկեսրայրին կինոարվեստում ունեցած երկար կարիերայի ու ձեռքբերումների համար:

Հայտնի է, որ Քըրք Դուգլասը նկարահանվել է ավելի քան 90 ֆիլմում, իսկ 1950-60-ական թվականներին համարվել է հոլիվուդյան գերաստղերից: Նրա ամենահայտնի դերերից մեկը Սպարտակն է: