The Weeknd-ը դադարեցրել է H&M-ի հետ համագործակցությունը՝ ռասիստական սկանդալի պատճառով (լուսանկար)

Կանադացի երգիչ The Weeknd-ը հայտարարել է, որ դադարեցնում է համագործակցությունը H&M հագուստ արտադրողի հետ՝ ընկերության դրսևորած ռասայական խտրականության պատճառով:

Երգիչը Twitter-ում լուսանկար է հրապարակել բրենդի մանկական հավաքածուի գովազդից, որտեղ սևամորթ տղայի վերնաշապիկին գրված է «Ջունգլիների ամենալավ կապիկը»:

«Առավոտյան արթնանալով՝ ես ցնցվեցի այդ լուսանկարի պատճառով: Ես խորապես վիրավորված եմ, և այլևս չեմ աշխատի H$M-ի հետ»,- գրել է երգիչը՝ հրապարակելով լուսանկարը:

Շվեդական H&M (Hennes & Mauritz) ընկերությունը մեղադրվել է ռասիզմի համար մանկական հագուստի հավաքածուի գովազդից հետո, որում «Ջունգլիների ամենալավ կապիկը» գրությամբ վերնաշապիկը ներկայացրել է սևամորթ երեխա։ Twitter-ի օգտատերերը կոչ են արել բոյկոտել ընկերությանը։

Քննադատությունից հետո H&M-ը հեռացրել է գովազդը և ներողություն է խնդրել վիրավորանքի համար:

Ավելի վաղ The Weeknd-ը երկու հավաքածու էր թողարկել ընկերության հետ համագործակցությամբ: Վերջին համատեղ հավաքածուն վաճառքի էր հանվել անցած տարվա սեպտեմբերին: