Արևելյան Ղուտայի բնակիչները խնդրում են իրավապաշտպաններին օգնել իրենց դուրս գալ գրոհայինների հսկողության տակ գտնվող տարածքներից

17:38 • 01.03.18

Արևելյան Ղուտայի բնակիչները զանգվածային կերպով կապ են հաստատում սիրիական իրավապաշտպան կազմակերպությունների ներկայացուցիչների հետ՝ խնդրելով օգնել իրենց դուրս գալ գրոհայինների կողմից գրավված տարածքներից: Այդ մասին հայտնել է Սիրիայի տարածքում հակամարտող կողմերի հաշտեցման ռուսական կենտրոնի ներկայացուցիչ գեներալ-մայոր Վլադիմիր Զոլոտուխինը, հայտնում է ТАСС-ը:


«Ստացված տեղեկության համաձայն՝ վերջին օրվա ընթացքում մի քանի անգամ աճել է Արևելյան Ղուտայի բնակիչների դիմումների քանակը՝ ուղղված  իրավապաշտպաններին»,- ասել է Զոլոտուխինը:


Նա հավելել է, որ Արևելյան Ղուտայում մարդասիրական միջանցքի ռմբակոծությունները շարունակվել են նաև այսօր:


ՌԴ պաշտպանության նախարար Սերգեյ Շոյգուն երկուշաբթի հայտնել է, որ Ռուսաստանի նախագահ Վլադիմիր Պուտինի հանձնարարությամբ Դամասկոսի արվարձան Արևելյան Ղուտայում փետրվարի 27-ից սահմանվում է ամենօրյա մարդասիրական դադար՝ տեղի ժամանակով 9:00-ից մինչև 14:00-ն: