Այս տարի «Օսկար»-ի բեմը կզարդարվի 45 մլն Swarovski բյուրեղներով (լուսանկարներ)

Սովորաբար, մարդիկ դիտում են «Օսկար» կինոմրցանակաբաշխությունն աստղերին տեսնելու, կարմիր գորգի նորաձևությանը հետևելու և հուզիչ ելույթները լսելու համար: Սակայն այս տարվա «Օսկար»-ի հանդիսատեսին առավել տպավորած պահերի շարքում, միանշանակ, կլինեն բեմն ու դրա ձևավորումը, գրում է Luxury Launches-ը՝ մանրամասնելով, որ բեմը զարդարվելու է 45 մլն հատ Swarovski բյուրեղներով:

«Օսկար»-ի 90-րդ մրցանակաբաշխությունը կարևոր իրադարձություն է, ուստի՝ կազմակերպիչները որոշել են այս տարվա բեմն ուղղակի անմոռանալի դարձնել:

Լույսի ու ստվերի, արտացոլանքի խաղի և միլիոնավոր Swarovski բյուրեղների կախարդական համադրության շնորհիվ բեմի վրա կստեղծվի գեղեցիկ կամար: Բեմի մեծ մասը կզբաղեցնի ահռելի LED էկրանը:

Հեռուստադիտողները կտեսնեն գերիրական և եռաչափ որակ ունեցող պատկերներ:

Հիշեցնենք, որ «Օսկար»-ը կայանալու է մարտի 4-ին: