Բրիտանացիները դատարկել են խանութները՝ եղանակային պայմաններից խուճապի մատնվելով (լուսանկարներ, տեսանյութ)
Մեծ Բրիտանիայում սուպերմարկետների դարակները դատարկվել են։ Պատճառը խուճապի մատնված բնակիչներն են, որոնք գնել են առաջին անհրաժեշտության հիմնական ապրանքները, այդ թվում՝ կաթ և հաց, հայտնում է The Daily Mail-ը:
Ձյան պատճառով կաթվածահար է եղել երթևեկությունը, ինչի հետևանքով բեռնատարները չեն կարողանում խանութներն ապահովել մթերքներով:
Սոցիալական ցանցերում հրապարակված լուսանկարներևում երևում են սուպերմարկետների գրեթե դատարկ դարակները:
Հաղորդվում է նաև դեպքերի մասին, երբ խանութի աշխատակիցները թույլ չեն տվել հաճախորդներին մեծ քանակությամբ հաց ու կաթ գնել՝ մտավախությունից, որ նրանք պատրաստվում են դա ավելի թանկ գնով վերավաճառել:
Ավելի վաղ հաղորդվել է, որ Մեծ Բրիտանիայում անոմալ ցուրտ եղանակ է գրանցվել: Անգլիայում ու Շոտլանդիայում անոմալ ցրտերի պատճառով տագնապի կարմիր մակարդակ է հայտարարվել: Երկրի իշխանությունները նախազգուշացրել են, որ անոմալ ցրտերի ֆոնին գազի պաշարները շատ արագ են սպառվում:

















