Լարսը բացվել է. անցակետն անցնել թույլ է տրվում նախ մարդատարներին ու ավտոբուսներին, ապա՝ բեռնատարներին

15:33 • 10.03.18

Մոտ երկու ժամ առաջ բացվել է Լարսի անցակետը, ուր վերջին երկու օրերին մարդատար, բեռնատար և մարդկանց տեղափոխող տրանսպորտային միջոցների հսկայական հերթեր էին։  Որոշվել է, որ առաջինը անցակետով պետք է անցնեն մարդատարներ ավտոմեքենաներն ու ավտոբուսները, ապա՝ բեռնատարները:

Այս մասին Tert.am–ին հայտնեցին ՀՀ ԱԻՆ լրատվական ծառայությունից:  Մինչև այդ պահը Լարսում կուտակված էր 287 մեքենա, որից՝ 187-ը բեռնատար:

Նշենք, որ վերջին երկու օրերին Տրանսպորտի և տեղեկատվական տեխնոլոգիաների  նախարարությունը կոչ էր անում զերծ մնալ այս ճանապարհով ուղևորափոխադրումներից՝ արձանագրելով, որ այնտեղ սաստիկ բուք է, ձյուն և առկա է նաև ձնահոսքի վտանգ: