Մոսկվայից Գյումրի թռչող օդանավը հարկադիր վայրէջք է կատարել ծխող ուղևորի պատճառով

16:51 • 12.03.18

Մոսկվայից Գյումրի թռչող օդանավը մարտի 11-ին հարկադիր վայրէջք է կատարել Մինվոդիի օդանավակայանում:

Տեղեկությունը Tert.am-ի հետ զրույցում հաստատեց Քաղավիացիայի գլխավոր վարչության մամուլի քարտուղար Սաթենիկ Հովհաննիսյանը։

«Ինքնաթիռի հարկադիր վայրէջքի պատճառը եղել է ուղևորներից մեկը, որը փորձել է ծխել թռիչքի ընթացքում»,–ասաց նա։

Ռուսական РЕН ТВ-ն հաղորդում է, որ հարկադիր վայրէջքի որոշումը կայացրել է ինքնաթիռի հրամանատարը` ոչ ադեկվատ ուղեւորի պատճառով:

Տղամարդուն տարհանել են ինքնաթիռից ոստիկանության աշխատակիցները, ինչից հետո ինքնաթիռը շարունակել է թռիչքը: