ՌԴ նախագահի բոլոր թեկնածուների շրջանում ամենաբարձր հակառեյթինգը պատկանում է Սոբչակին, ամենացածրը՝ Պուտինին. հարցում

16:57 • 12.03.18

ՌԴ նախագահի բոլոր թեկնածուների շրջանում ամենաբարձր հակառեյթինգը սոցիոլոգները գրանցել են Քսենիա Սոբչակի նկատմամբ (82%), Վլադիմիր Պուտինի մոտ այն չի փոխվում և կազմում է 6 տոկոս: Այդ մասին հայտնել է Ռուսաստանի հանրային կարծիքի ուսումնասիրման համառուսաստանյան կենտրոնի գլխավոր տնօրեն Վալերի Ֆյոդորովը, հաղորդում է «ՌԻԱ Նովոստի»-ն:


Հարցման մասնակիցներին տրվել է հետևյալ հարցը. «Ո՞ւմ օգտին դուք ոչ մի հանգամանքում չեք քվեարկի»: Հարցումներն անց են կացվել մարտի 3-4-ը:


Հարցման արդյունքների համաձայն՝ ՌԴ նախագահի թեկնածու Պավել Գրուդինինի օգտին ոչ մի դեպքում չի քվեարկի հարցման մասնակիցների 24 տոկոսը,  այդ թիվն աճել է երկու ամսվա ընթացքում՝ հասնելով 20-ից 24 տոկոսի:


Սոցիոլոգի խոսքով՝ հետաքրքիր է, որ Վլադիմիր Ժիրինովսկիի ցուցանիշը 36 տոկոս է, քանի որ նա միշտ եղել է հակառեյթինգի առաջատարը:


Հիշեցնենք, որ ՌԴ-ում նախագահական ընտրություններ կանցկացվեն մարտի 18-ին, ընտրություններին մասնակցում է 8 թեկնածու։