Կալիֆորնիայում սուրճ արտադրողներին պարտավորեցրել են նախազգուշացնել արտադրանքի վտանգի մասին

16:19 • 30.03.18

ԱՄՆ-ի Կալիֆորնիա նահանգի դատարանը որոշում է կայացրել, որի համաձայն նահանգի տարածքում սուրճ արտադրող և վաճառող մոտ 90 ընկերություն և անհատ ձեռներեց պարտավոր է նշել իր արտադրանքի վրա քաղցկեղային հիվանդությունների առաջացման ռիսկի մասին:

Reuters գործակալության տվյալների համաձայն՝ դատարանը բավարարել է ակտիվիստների հայցը, որոնք պահանջել են սուրճ արտադրողներից նշել իրենց արտադրանքի վրա վտանգավոր նյութերի պարունակության մասին:

Աղբյուրի հաղորդմամբ՝ սուրճի հատիկները բովելու ժամանակ ակրիլամիդ է արտադրվում, որը ներառված է քաղցկեղածին նյութերի ցանկում:

Սուրճ արտադրողների պնդմամբ՝ սուրճի մեջ ակրիլամիդը պարունակվում է անվնաս քանակությամբ: