Boeing-747 ուղևորատար ինքնաթիռը տեխնիկական պատճառներով արտակարգ վայրէջք է կատարել Հելսինկիում
Բրյուսելից Տոկիո թռչող All Nippon Airways ավիաընկերության Boeing-747 ուղևորատար ինքնաթիռն արտակարգ վայրէջք է կատարել Հելսինկիի օդանավակայանում: Այս մասին հայտնում է ТАСС-ը:
Kyodo տեղեկատվական գործակալության տվյալների համաձայն՝ պատճառը տեխնիկական խնդիրներն են եղել: Տեղեկություններ կան, որ օդաչուների խցիկում վնասվել են ապակիները:
Աղբյուրի հաղորդմամբ՝ ինքնաթիռի սրահում մոտ 160 ուղևոր ու անձնակազմի անդամ է եղել: Տուժածներ չկան:
Նշվում է, որ տեխնիկական անսարքության մասին պարզ է դարձել, երբ ինքնաթիռը գտնվել է Ռուսաստանի օդային տարածքում:










