Համացանցում է հայտնվել Ֆրանսիայի բանտերից մեկից հանցագործի՝ ուղղաթիռով փախուստը պատկերող տեսանյութը
Համացանցում է հայտնվել Ֆրանսիայի բանտերից մեկից հանցագործ Ռեդուան Ֆաիդի՝ ուղղաթիռով փախուստը պատկերող տեսանյութը, որը մեծ իրարանցում է առաջացրել։
ACTU Pénitentiaire գործակալության հրապարակած տեսանյութում երևում են բանտի պահակները, որոնք վազում են հաստատության բակով, միևնույն պահին լսվում է ուղղաթիռի ձայնը։ Տեսախցիկը ֆիքսել է բանտի շենքից հեռացող ուղղաթիռը, լսվում է նաև, թե ինչպես են կալանավորները միաձայն ողջունում Ֆաիդի քայլը։
Ավելի վաղ հաղորդվել էր, որ Ֆրանսիայում ավազակային հարձակման համար 25 տարվա ազատազրկման դատապարտված հանցագործ Ռեդուան Ֆաիդը փախուստի է դիմել ֆրանսիական բանտերից մեկից ուղղաթիռի օգնությամբ։ Հայտնի է, որ փախուստի ընթացքում Ֆաիդին օգնել է երեք զինված մարդ:
Միջադեպի հետևանքով ոչ ոք չի տուժել։










