«Միասին կերտենք պատմություն» կոալիցիայի թեկնածուն Մեքսիկայի նախագահ է ընտրվել (լուսանկարներ)
Մեքսիկայում կայացած նախագահական ընտրություններում դե ֆակտո հաղթել է «Միասին կերտենք պատմություն» ձախակողմյան ուժերի կոալիցիայի թեկնածու Անդրես Մանուել Լոպես Օբրադորը:
Ինչպես նշում է tass.ru-ն, նա հավաքել է ձայների 53-53.8%-ը:
Աղբյուրը մանրամասնում է, որ ընտրատեղամասերի փակումից կարճ ժամանակ անց նրա մրցակիցները՝ Ռիկադրո Անայան, Խոսե Անտոնիո Միդն ու Հայմե Ռոդրիգես Կալդերոնը, ընդունել են իրենց պարտությունը:
Նրանց շարքում Օբրադորի ամենամոտ մրցակիցն Անայան էր, որը, ըստ նախնական տվյալների, հավաքել է ձայների 22.1-22.8%-ը:
Հայտնի է, որ ձայների արագ հաշվարկի արդյունքները հրապարակվել են երևանյան ժամանակով հուլիսի 2-ի առավոտյան՝ Ազգային ընտրական ինստիտուտի ղեկավար Լորենսո Կորդովայի կողմից:
ԱՄՆ նախագահ Դոնալդ Թրամփն իր թվիթերյան էջում արդեն շնորհավորել է Օբրադորին ու համագործակցության ցանկություն հայտնել՝ «ի շահ Միացյալ Նահանգների և Մեքսիկայի»:














