Երիտասարդ ռուսների մեկ երրորդը ցանկանում է արտագաղթել. հարցում

15:39 • 02.07.18

Տասնութից քսանչորս տարեկան յուրաքանչյուր երրորդ ռուսաստանցի (31 տոկոսը) ցանկություն է հայտնել հեռանալ երկրից: Այդ մասին հայտնում է lenta.ru-ն՝ վկայակոչելով Հանրային կարծիքի ուսումնասիրման համառուսաստանյան կենտրոնին:

Հարցման յուրաքանչյուր չորրորդ մասնակից (26 տոկոսը) արդեն ունի բարեկամներ կամ ծանոթներ, որոնք արտագաղթել են վերջին տարիներին:

Մշտական բնակության համար առավել գրավիչ երկրներ են նշվում Գերմանիան, ԱՄՆ-ն և Իսպանիան:

Ընդհանուր առմամբ, երկրից հեռանալ ցանկացողների թիվը 2011 թվականից ի վեր գրեթե անփոփոխ է մնում՝ բոլոր տարիքային խմբերի շրջանում 10 տոկոս:


Նվազել է նաև նրանց թիվը, ովքեր ցանկությունից բացի՝ ունեն նաև մեկ կամ երկու տարվա ընթացքում հայրենիքից հեռանալու կոնկրետ ծրագրեր՝ 17-ից 10 տոկոս: