Հնդկաստանում ուղևորատար ավտոբուսն ընկել է կիրճը, 22 ուղևորի վիճակը ծայրահեղ ծանր է

11:20 • 05.12.18

Հնդկաստանի արևելյան Տրիպուրա նահանգում ուղևորատար ավտոբուսն ընկել է կիրճը, տուժել է 30 մարդ, այս մասին գրում է «ՌԻԱ Նովոստի» գործակալությունը:

Միջադեպը տեղի է ունեցել Դհալայի շրջանում՝ վաղ առավոտյան:

Վթարի պատճառները դեռևս հայտնի չեն: Հայտնի է, որ տուժածներից 22-ի վիճակը բժիշկները ծայրահեղ ծանր են գնահատում: Բոլոր տուժածները հոսպիտալացվել են, նրանց ցուցաբերվում է անհրաժեշտ օգնություն:

Նշվում է, որ նահանգի իշխանությունները պարտավորվել են հոգալ հիվանդանոցային ծախսերը:

Զոհերի մասին տեղեկություններ չեն փոխանցվում: