CNN-ի աշխատակիցներին տարհանել են՝ ռումբի սպառնալիքի պատճառով
Ամերիկյան CNN հեռուստաընկերության նյույորքյան գրասենյակի աշխատակիցները տարհանվել են՝ ռումբի առկայության մասին հեռախոսազանգի պատճառով:
CNN-ի փոխանցմամբ՝ անհայտ անձը զանգահարել է ու ասել, որ հեռուստաընկերության շենքում հինգ պայթուցիկ սարք կա:
Դրանից անմիջապես հետո սկսվել է աշխատակիցների տարհանումը: Դեպքի վայր են ժամանել սակրավորներ, հրշեջ բրիգադներ, իրավապահներ, որոնք միառժամանակ փակել են 58-րդ պողոտան ու հարակից փողոցները:
Հատկանշական է, որ ԱՄՆ նախագահ Դոնալդ Թրամփը, որը պարբերաբար CNN-ին քննադատում է իր մասին «կեղծ լուրերի» տարածման համար, տարհանումից հետո թվիթերյան էջում գրել է. «Կեղծ լրատվամիջոցներն ազգի թշնամին են»:
Նշվում է, որ հեռուստաալիքի նյույորքյան գրասենյակի աշխատանքը վերսկսվել է երկու ժամ անց:










