Բրյուսելում բախումներ են գրանցվել «դեղին անթև բաճկոնների» բողոքի ակցիայի մասնակիցների ու ոստիկանության միջև

18:12 • 08.12.18

Բելգիայի մայրաքաղաք Բրյուսելում ոստիկանությունը փորձում է միջամտել «դեղին անթև բաճկոնների» բողոքի ակցիային, գրանցվել են բախումներ ցուցարարների ու իրավապահների միջև, գրում է «ՌԻԱ Նովոստի» գործակալությունը:

Նշվում է, որ ոստիկանները զինված են վահաններով ու մահակներով և փորձում են ցրել քաղաքի կենտրոնական փողոցներից մեկը փակած ցուցարարներին:

Բողոքի ակցիայի անցկացման տարածք է բերվել ոստիկանության հատուկջոկատայինների տեղափոխող մի քանի մեքենա, ինչպես նաև ջրցան ու զրահապատ մեքենա:

Հայտնի է, որ թաղամասի տարածքում հսկողություն է իրականացնում նաև ոստիկանական ուղղաթիռ:

Այլ մանրամասներ չեն հաղորդվում:

Միևնույն ժամանակ շարունակվում են «դողին անթև բաճկոնների» զանգվածային բողոքի ակցիաները Փարիզում, ըստ վերջին տվյալների՝ ձերբակալվածների թիվը հասել է 480-ի, նրանցից 211-ը կալանավորվել են: