Մահացել է ռուս իրավապաշտպան Լյուդմիլա Ալեքսեևան

23:10 • 08.12.18

Մոսկվայում շաբաթ մահացել իրավապաշտպան, ՌԴ Մարդու իրավունքների հարցերով խորհրդի անդամ Լյուդմիլա Ալեքսեևան:

Այս մասին հայտնում է РИА Новости-ն՝ հղում անելով խորհրդի մամուլի ծառայությանը: Իրավապաշտպանը մահացել է կյանքի 92-րդ տարում:  

«Այսօր Մոսկվայում կայնքից հեռացել է ամենատարեց ռուս իրավապաշտպան, Ռուսաստանի Դաշնության նախագահին կից քաղաքացիական հասարակության զարգացման և մարդու իրավունքների հարցերով խորհրդի անդամ, մոսկովյան հելսինկյան խմբի ղեկավար Լյուդմիլա Ալեքսեևան», -ասվում է գերատեսչության հաղորդագրության մեջ: