Ուզբեկստանում իրավապահներին ստիպել են Ղուրանի վրա երդվել և կաշառք չվերցնել

14:48 • 09.12.18

Ուզբեկստանում իրավապահները խոստացել են չզբաղվել դրամաշորթությամբ ու կաշառք չվերցնել՝ երդվելով մահմեդականների սուրբ գիրքը համարվող Ղուրանի վրա, գրում է lenta.ru-ն:

Նշվում է, որ արտասովոր արարողությունը տեղի է ունեցել Տաշքենդի մարզի Յուքորիչիրչիքի շրջանում, նման կերպ Ուզբեկստանում իրականացնում են նախագահ Շավքաթ Միրզիյոևի կողմից հաստատված կոռուպցիայի դեմ պայքարի պետական ծրագիրը:

Երդման արարողության ժամանակ ներկա է գտնվել շրջանի գլխավոր իմամը: Նա և հիմնարկի հերթապահ տեսուչը հրաժարվել են մեկնաբանել արարողությունը:

Ավելի վաղ Ուզբեկստանում երդվել են նաև ուզբեկ ֆերմերները՝ խոստանալով հավատարիմ մնալ իրենց գործին, նպաստել երկրի զարգացմանն ու չզբաղվել անազնիվ գործերով: Նման երդման արարողություններ երկրում անցկացվել են նաև բուժաշխատողների համար: