Թրամփը կրկին քննադատության է ենթարկել Պենտագոնի ղեկավար Մեթիսին
ԱՄՆ նախագահ Դոնալդ Թրամփը հայտարարել է, որ երկրի ռազմական գերատեսչության ղեկավար Ջեյմս Մեթիսը, որի հեռացման մասին հայտնի դարձավ օրերս, բավականաչափ ուշադրություն չէր դարձնում այն խնդրին, որ ԱՄՆ-ն անhարկի մեծ գումարներ է ծախսում այլ երկրների պաշտպանությունն ապահովելու վրա:
Twitter-ի իր պաշտոնական էջում Թրամփը նշել է, որ այդ սխալը կուղղվի մոտ ապագայում:
«Մենք ակտիվորեն սուբսիդավորում ենք բավականին հարուստ երկրների բանակներ ամբողջ աշխարհում, ընդ որում՝ այդ նույն երկրներն օգտագործում են ԱՄՆ-ին ու ամերիկացի հարկատուներին: Գեներալ Մեթիսը դրանում խնդիր չէր տեսնում»,- գրել է ԱՄՆ նախագահը:
Հայտնի է, որ Մեթիսը կլքի իր պաշտոնը 2019 թվականի փետրվարին: Նրա լիազորությունները կկատարի Պենտագոնի փոխղեկավար Պատրիկ Շանահանը:










