ԱՄՆ կառավարության աշխատանքի «դադարեցումը» խոչընդոտել է երկրի գլխավոր տոնածառի լուսաշղթայի նորոգմանը (տեսանյութ)

12:41 • 24.12.18

ԱՄՆ-ում մի շարք դաշնային գերատեսչությունների աշխատանքի մասնակի դադարեցումը դժվարեցրել է երկրի գլխավոր տոնածառի լույսերի նորոգումը, գրում է РИА Новости-ն:

Ավելի վաղ հաղորդվել էր, որ անհայտ անձը բարձրացել է Սպիտակ տնից ոչ հեռու գտնվող այգում կանգնեցված գլխավոր տոնածառի վրա, ինչի հետևանքով ծառի մի քանի լույսեր վնասվել են: Իրավապահ մարմինների հաղորդմամբ՝ անձը գտնվել է հուզական անկայուն վիճակում:


Ինչպես հայտնում են ազգային այգիների ծառայությունից, տոնածառը կառավարության աշխատանքի մասնակի դադարեցման ընթացքում կմնա վնասված լուսաշղթայով: 


«Կառավարության աշխատանքի մասնակի դադարեցման ժամանակ Սպիտակ տան այցելուների կենտրոնը և ազգային տոնածառի հրապարակը փակ կլինեն»,- ասված է հաղորդման մեջ: 

Հիշեցնենք, որ ԱՄՆ դաշնային գերատեսչություններից մի քանիսը ֆինանսավորման բացակայության պատճառով կրճատել են աշխատանքը: