Սիցիլիա կղզում ժայթքել է Էթնա հրաբուխը՝ լեռան լանջին առաջացնելով մեծ ճեղք
Իտալական Սիցիլիա կղզում ժայթքել է Էթնա հրաբուխը, գրել է La Repubblica-ն:
Աղբյուրը նշել է, որ հրաբխի ժայթքումը ցնցումներ է առաջացրել, ինչի հետևանքով լեռան լանջին մեծ ճեղք է բացվել, որից ծուխ է դուրս գալիս:
Միջադեպի հետևանքով դանդաղել է Կատանիայի օդանավակայանի աշխատանքը:
Մասնագետները վստահեցրել են, որ ներկայում տեղի բնակիչներն անհանգստանալու պատճառ չունեն, սակայն հետագա զարգացումների վերաբերյալ կանխատեսումներ անել չեն շտապել:










