Անջելինա Ջոլին հրաժարվել է Սելին Դիոնի կյանքի մասին պատմող ֆիլմի գլխավոր դերում նկարահանվելուց. Star Hit

Հոլիվուդյան հայտնի դերասանուհի Անջելինա Ջոլիի և կանադացի երգչուհի Սելին Դիոնի ընկերական հարաբերությունները խզվել են այն բանից հետո, երբ դերասանուհին հրաժարվել է Դիոնի մասին պատմող ֆիլմում նրան մարմնավորելուց: Այս մասին հաղորդում է Star Hit պարբերականը՝ բանիմաց աղբյուրին հղումով:

Նշվում է, որ հանրահայտ երգչուհին ցանկացել է իր մասին ինքնակենսագրական ֆիլմ նկարահանել, իսկ որպես գլխավոր դերի հավակնորդ Ջոլիին է տեսել, սակայն վերջինս հրաժարվել է դերից:

Աղբյուրի խոսքով՝ դերասանուհու մերժումը Դիոնի համար անսպասելի է եղել, և վերջինս շոկի է ենթարկվել: Ինքը՝ Ջոլին, մերժումը բացատրել է զբաղվածությամբ և ժամանակի սղությամբ:

«Երկար տարիներ է, ինչ Սելին Դիոնը մտածում է իր կյանքի մասին մյուզիքլ նկարահանել: Նա ցանկանում էր, որ ֆիլմը նվիրված լինի իր երեխաներին, երկրպագուներին, և անակնկալի է եկել, երբ Անջելինան հրաժարվել է դերից», - նշել է աղբյուրը:

Հայտնիներն առայժմ չեն մեկնաբանել վեճի մասին լուրերը: