«Խելացի» մատանի. Apple-ը նոր գաջեթ է արտոնագրել

Ամերիկյան տեխնոլոգիական հսկան հայտ է ներկայացրել Apple Ring «խելացի» մատանին արտոնագրելու համար:

Ինչպես ներկայացնում է The Sun-ը, գաջեթը թույլ է տալիս տարածության վրա կառավարել ընկերության այլ սարքավորումներ՝ չհպվելով դրանց:

Մատանին համալրված է էկրանով, ձեռքի շարժումների վերահսկման համակարգով և ձայնային օգնականի գործառույթով: Ծրագրավորողների մտահաղացմամբ՝ «սմարթ» մատանին թույլ կտա խուսափել հոգնածությունից, որն առաջանում է iPhone-ը կամ iPad-ը երկար ձեռքում պահելու հետևանքով:

Apple Ring-ը պետք է դառնա հեռակառավարման արդյունավետ միջոց: