ԱՄՆ-ում ռոբոտ շները «զբոսնել» են այգում և «ֆուտբոլ խաղացել» (լուսանկարներ, տեսանյութ)

ԱՄՆ Մասաչուսեթսի Տեխնոլոգիական ինստիտուտի այգում զբոսանքի են տարել Mini Cheetah անվանումն ստացած ռոբոտ շներին։ 

Ինչպես փոխանցում է Корреспондент-ը, ինստիտուտի հրապարակած տեսանյութում երևում է, թե ինչպես են շան տեսք ունեցող 9 ռոբոտներ քայլում այգում, ինչպես նաև սինքրոն սալտո կատարում և «ֆուտբոլ խաղում»։

Mini Cheetah կոչվող ռոբոտներն աշխատում են կիսաավտոմատ ռեժիմում և կառավարվում են անլար հեռակառավարման վահանակի միջոցով։ Ռոբոտը 9 կգ է կշռում և տեղաշարժվում է 8 կմ/ժամ արագությամբ։

Այժմ մասնագետները ռոբոտ շների կառավարման նոր ալգորիթմներ են մշակում։ Առաջիկայում նրանք պատրաստվում են մրցավազք կազմակերպել, որում կմրցեն ռոբոտները։