Apple-ը կտրուկ բարձրացրել է իր գաջեթների թարմացումների գները

Ամերիկյան Apple ընկերությունը բարձրացրել է իր սարքավորումներում թարմացումների գները: Այս մասին հայտնում է РИА Новости-ն՝ հղում անելով MacRumors կայքին:

Կայքի փորձագետները նշել են, որ թանկացումը հիմնականում ազդել է համակարգիչների, ինչպես օրինակ՝ MacBook Pro, iMac, iMac Pro և Mac mini մոդելների առաջադեմ տարբերակների վրա:

Այս գաջեթների կատարելագործման գները Կանադայի, Ավստրալիայի, ինչպես նաև մի շարք եվրոպական ու ասիական երկրների շուկաներում ավելացել են միջինում 10 տոկոսով:

Նշվում է, որ 16 դյույմ անկյունագծով, 2300 մեգահերց պրոցեսորով MacBook Pro-ի թարմացման գինը կկազմի 200 ֆունտ ստերլինգ, սակայն առաջ այդ ծառայությունն արժեր 180 ֆունտ: