Արաբական Միացյալ Էմիրությունները մարսագնաց կուղարկի «կարմիր մոլորակն» ուսումնասիրելու համար

Արաբական Միացյալ Էմիրությունները նախատեսում են առաջին ինքնակառավարվող մարսագնացն ուղարկել ««կարմիր մոլորակ»:

Ինչպես հաղորդում է Phys.org կայքը, մարսագնացի արձակումը նախատեսված է հուլիսի 15-ին ճապոնական Տանեգասիմա կղզու կայանից: Մարսագնացն ստացել է Hope («Հույս») անվանումը:

Այն պետք է 495 մլն կմ տարածություն հաղթահարի, որպեսզի հասնի Մարսին և դուրս գա ուղեծիր: Արաբ հետազոտողները Hope մարսագնացն արձակում են մոլորակի մասին տեղեկություններ հավաքելու նպատակով:

Մարսագնացը համալրված է տեսախցիկով, ջերմաստիճանային ռեժիմներն ուսումնասիրելու, ինչպես նաև մթնոլորտի վերին շերտերի և թթվածնի ու ջրածնի հետքերն ուսումնասիրելու համար նախատեսված սարքավորումներով: