ԱԺ-ն քննարկում է հանրաքվեի անցկացման՝ ԱԺ որոշումը արտակարգ և ռազմական դրության ժամանակ խորհրդարանի կողմից չեղարկելու հարցը  

Ամբողջ գործընթացը, թե ինչպես պետք է արտակարգ դրությունից հետո վերսկսվի հանարքվեի կազմակերպման գործընթացը, «Հանրաքվեի մասին» օրենքը բաց է  թողնում, չի ասում, իսկ դա, վստահեցնում եմ, բավականին բարդ է: Այս մասին ԱԺ-ում հայտարարեց «Իմ քայլը» խմբակցության պատգամվոր Վահագն Հովակիմյանը, որը ներկայացնում է իր կողմից հեղինակած «Հանրաքվեի մասին» օրենքում փոփոխություններ կատարելու մասին նախագիծը:

«Կոնկրետ ապրիլի 5-ին նշանակված հանարաքվեի դեպքով հանձնաժողովներ, «ԱՅՈ», «ՈՉ»-ի կողմեր, հիմնադրամներ էին կազմավորվել: Այսինքն՝ ամբողջ հանրաքվեի կազմակերպումն ընթացքի մեջ էր, բայց արտակարգ դրության պատճառով այլևս հնավոր չէր Սահամանդրության 208 հոդվածի ուժով հանարքվե անցկացնել, այն չկայացավ, բայց ի՞նչ պիտի լինի հետո»,- հարցադրում արեց նա:

Ուստի նախագծով առաջարկվում է՝ այն դեպքում, երբ ռազմական կամ արտակարգ դրությունը հայտարարվել է սույն օրենքով նախատեսված հանրաքվե նշանակելուց հետո, ապա մինչև ռազմական կամ արտակարգ դրություն հայտարարելը, հանրաքվեի դնելու հետ կապված բոլոր գործողություններն ու ժամկետները կասեցվում են իրավունքի ուժով: Ռազմական կամ արտակարգ դրություն հայտարարելուց հետո 12 ժամվա ընթացքում ԿԸՀ-ն հանդես է գալիս հանրաքվեի գործընթացը կասեցնելու մասին հայտարարությամբ:

Հովակիմյանը նշեց՝ հաջորդ ինստիտուը, որ կարգավորվում է այս նախագծի միջոցով, ԱԺ կողմից արդեն իսկ կայացրած իր որոշումը նախկինում չեղարկելու իսնտիտոտւն է, որը կարող է տեղի ունենալ բացառապես ռազմական կամ արատակարգ դրության պայմաններում:

Սահմանադրության փոփոխությունների նախագիծը հանրաքվեի դնելու վերաբերյալ որոշումը, որի հիման վրա նշանակված հանրաքվեն չի անցկացվել ռազմական կամ արտակարգ դրության պատճառով, կարող է ուժը կորցրած ճանաչվել «Ազգային ժողովի կանոնակարգ» սահմանադրական օրենքով սահմանված կարգով: Եթե մինչև ռազմական կամ արտակարգ դրության ավարտն Ազգային ժողովի կողմից հանրաքվե անցկացնելու մասին որոշումն ուժը չի կորցրել, ապա հանրաքվեի գործընթացը վերսկսվում է սույն օրենքով սահմանված կարգով:

«Այլ կերպ ասած, եթե ռազմական դրությունը կամ արտակարգ դրությունն ավարտվել է, բայց խորհրդարանը նման որոշում չի կայացրել, ապա տեղի է ունենում հանարաքվեի կազմակերպման վերասկսում: Եթե նման կարիք կա, խորհրդարանը պետք է այդ որոշումը կայանցի մինչև արտակարգ կամ ռազմական դրության ավարտը»,- պարզաբանեց Հովակիմյանը: