Գիտնականները ստորջրյա տարածքում առաջին անգամ նախամարդու բնակավայրի հետքեր են հայտնաբերել

Հնդկական օվկիանոսի հատակին՝ Ավստրալիայի հյուսիսարևմտյան ափերի մոտակայքում, առաջին անգամ հայտնաբերվել են Ավստրալական վերջին նախաբնիկների հետքերը, որոնք խորտակվել էին սառցե դարաշրջանի ավարտին:

Ինչպես հայտնում է Корреспондент-ը, հայտնագործությունն արել են դայվերները՝ սուզվելով շուրջ երեք մետր խորությամբ: Սուզորդներն ուշադրություն են դարձրել օվկիանոսի հատակին գտնվող տարօրինակ շրջանաձև քարերին:

Փորձագետները նշում են, որ ժամանակին ծովի մակարդակը զգալիորեն ցածր է եղել, և Ավստրալիայի տարածքը տարածված է եղել տասնյակ կմ խորությամբ՝ ներկայիս օվկիանոսի հատակին:

«Ավստրալիայի տարածքի մեկ երրորդը ներկա պահին ջրի տակ է գտնվում, ինչը նշանակում է, որ մշակութային հուշարձանների մի մասը ևս օվկիանոսի հատակին է»,- հայտնել է ուսումնասիրությունների հեղինակ, Ֆլինդերսի համալսարանի դոցենտ Ջոնաթան Բենջամինը:

Գիտնականները կարծում են, որ առաջին մարդիկ Կանաչ մայրցամաքի տարածք ոտք են դրել մոտ 50 000 տարի առաջ՝ շարժվելով Եվրասիայի հարավային ափերի երկայնքով:

Բենջամինն ու նրա գործընկերները ստորգետնյա պեղումներ կատարելիս մոտ 300 աշխատանքային գործիքներ և այլ իրեր են հայտնաբերել, որոնք մնացել են ավազի մեջ թաղված: